"Moody's" агентлаг Монгол Улсын зээлжих зэрэглэлийг B2 түвшинд ахиулсан байна. Энэ нь B3-аас нэг шат дээшлүүлсэн буюу "Тогтвортой" ангилалд хэвээр үлдсэн гэсэн үг юм. Гэхдээ сүүлийн есөн жилд B3 түвшинд хадгалсан нь энэ хугацаанд анх удаа ахиулж үнэлсэн явдал гэдгийг Сангийн сайд Б.Жавхлан онцолсон.

"Moody's" агентлагийн зүгээс "Өрийн дарамтыг тогтвортойгоор буруулсан тул Засгийн газрын санхүүжилтийн эрсдэл багассан, ДНБ-ий хэмжээ нэмэгдсэн, эдийн засаг тогтвортойгоор өссөн зэрэг нь зээлжих зэрэглэлийн ангилал ахиулахад нөлөөлөв" гэж дурджээ.

Нэг түвшин ахисан ч энэ нь "Тогтвортой" гэдэг ангилалдаа хэвээр гэдгийг анхаарах хэрэгтэй. B2-ыг олон улсын жишиг түвшнээс бага, "Эрсдэлтэй" гэж үздэг. Цаашдын эрсдэл талаас нь "Moody's" агентлаг "Эдийн засаг уул уурхайн түүхий эдийн үнийн хэлбэлзлээс иххээхэн хамааралтай нь ДНБ, төсөв огцом хэлбэлзэхэд нөлөөлж болзошгүй" гэж анхааруулжээ.